Beskrivelse
Tunumi 1950-60-ikkunni Arkaluk Biancop assilisai.
Sorsunnersuup aappaata tungaanut Ammassaliup eqqaani avinngarusimasumi inuit ukiuni hunnorujukkuutaani inuuniarnermikkut allanngortitaasimanngitsut inuusimapput. Sorsunnersuup kingorna ammaasoqarnerani innaallagiaqalerpoq, umiatsiat aquuteralallit, radio aamma pisiassat annertussutsimik takuneqareersimanngitsumik annertussusillit takkussuutilerlutillu.
ArKaluk Bianco 1921-imi inuusimavoq pisiniarfimmi allakkerivimmilu pisortatut sulisimalluni. ArKaluk paasisaqarusuttuusimavoq nutaanillu misilittaasarsimalluni, ilaatigut assiliineq soqutigisarisimallugu.
Inuiaqatigiit inuuffigisani piffissarlu inuuffini ersarissumik takusinnaanerani, piffissami ukiuni 15-it missaanni ingerlasumi ineriartupiloornerup nalaani assiliisaqattaartarsimavoq assilisimasaalu ullutsinni immikkooruteqarluinnarlutik. Piffissami sumiiffimmilu taamatut uppernarsaasoqareersimannginnera eqqaassanngikkaani ArKalup assiliillaqqissimanera ersarippoq assilisallu qaffasissumik pitsaassuseqarneri ersarillutik.
Minnerunngitsumillu ArKalup aamma nammineq kalaaliunerata immikkuullarissumik assilissat isikkoqartippai. Ammassalik Ammassaliullu eqqaa allanit, antropologinit ilisimasassarsiortuniillu allaaserineqarlunilu assilineqartareeraluartoq Tasiilap nunaqarfiillu eqqaaniittut oqaluttuarisaanermi tunumiut isaannit takuneqareersimanngitsut takussavagut.
Yderligere information
| Forfatter(e) | Helene Brochmann |
|---|---|
| Kategori | Bøger |
| Genre(r) | Samfund Og Historie |
| Udgivelsesdato | Er udgivet |
| ISBN-13 | 9788775975600 |
| ISBN-10 | 8775975600 |
| Indbinding | Indbundet |
| Udgave | 1 |
| Oplag | 1 |
| Sidetal | 352 |
| Dimensioner | Bredde: 25.2Cm - Højde: 28.8Cm |
| Tags | Ammassalimmi Inuuneq Nalinginnaasoq, Bøger, Bog |
